喺陽光普照嘅澳洲黃金海岸，我喺上年2022年安頓好之後 喺9月23日我開始製作我到咗澳洲之後第一批濃口醬油，將醬油傳技術統同呢片新嘅土地交融一起。
當初， 真係我有啲緊張。澳洲嘅天氣對我黎講係個新嘅環境。佢會點影響醬油嘅製作過程呢？
隨住時光嘅流逝，醬油麴茁壯成長，當然唔係冇啲難關。到而家，依家Fast Forward到 2023年9月13日，準確嚟講係經過咗355日，呢 過批醬油鹵已經發生咗翻天覆地嘅變化。佢散發緊嘅香氣， 同獨特嘅味道, 絕對無浪費我心機。
喺我等到佢完成12個月熟成之前，我決定進行一次小小嘅"初壓"。當然都十分緊張。雖然呢12個月裏面熟成期間, 點都有少少淺嚐過過批醬油鹵有啲Hints 大概味道係點， 但係真正嘅考驗喺真正提取/ 壓榨呢批醬油 引出份珍貴嘅金黃醬油。
當醬油一滴滴地流出嘅時候，我見到一整年努力嘅成果。
當然最重要嘅時刻係——第一口初嚐。 我一啲都冇失望，而係超乎咗我嘅期望。喺未來嘅幾篇Post，我會分享更多有關味道嘅細節，要Taste多幾輪之後。
我超期待想同我嘅朋友分享依份「初壓醬油」 睇下佢哋點睇。
喺澳洲初壓醬油，每一滴都寫咗一段故事，而呢個故事仲未完結。記得留意我喺呢個美味冒險中嘅更多Post.！