呢個題目可能 會侮辱咗大家嘅智慧, (可能係人都知, 尤其係廣東地區嘅人) 生抽真係每家每戶,每間餐廳,點都有支喺左近. 香港菜同埋廣東菜更加係不能沒有嘅調味料
廣東醬油/ 豉油, 材料非常簡單, 通常有大豆, 小麥 (麵粉), 水同埋鹽. 製作大致上同其他地區醬油製作一樣, 但係同大家亦好喜歡嘅日本醬油有一個好大嘅分別.就係醬油後續嘅發酵時間. 廣東醬油發酵(傳統醬油廠), 通常要三至四個月或者最長6個月,
而日本醬油 (傳統醬油廠), 通常至少一年, 甚至三至四年, 有醬油廠甚至有30年藏醬油.
廣東醬油相對地發酵時間比日本醬油短, 但係唔好咁快就覺得！廣東醬油發酵時間短, 就等於冇咁好？ 講到明係"生抽", 就係想要佢比較 "Light" 啲嘅感覺, 會好適合廣東菜使用 日本醬油係好味, 但係有冇試過用日本濃口醬油炒菜, 覺得出呢個味道好似有啲 "Overpowered" 冚過咗其他食材嘅味道?
廣東醬油/ 豉油, 喺比較輕身, 琥珀色, 味道比較 balance, 好適合, 炒菜, 醃肉 提味然後唔會搶個主角嘅角色. 當然啦點解呀點蟹佢絕對冇問題啦,
但係都有好多大牌子豉油, 真係咸到腎虧, 亦唔會帶任何after taste. 令到我哋覺得豉油就等於咸一樣。. 亦都係我係咁多年來一直誤會咗豉油等於鹹嘅concept. 直至試過自己製作嘅傳統醬油, 先知道原來醬油嘅世界係好大
但相反, 你食壽司或者刺身嘅時候, 有冇試過 "哎呀冇日本醬油呀" 然後攞支生抽點刺身? - 係咪覺得好鹹同埋好唔對未? 呢一個就係點解, 日本醬油厲害之處, 係用時間浸泡出味道非常細利味道嘅醬油, 可以配合食材有提鮮嘅作用, 刺身突然好味一倍。
A side note (附註): 細時咩都唔識, 以為老抽味道勁過豉油,仲當係豉油用, 結果咩都黑曬 老抽通常係加咗"焦糖色素" 同埋生粉 令佢感覺濃口有色, 但佢絕對唔係攞嚟調味 只係上色用。 要小心啲用
下次又講下老抽嘅處理方法 或者日本醬油處理方法
Opmerkingen